Aksident i frikshëm në startin e garës së Moto GP, që po zhvillohet në pistën e Spielberg, në Austri.
Në kthesën e tretë të xhiros së dytë, një aksident mes pilotit francez Johann Zarco dhe atij italian Franco Morbidelli ka sjellë panik në pistë.
Dy pilotët kanë patur kontakt mes tyre, duke dalë jashtë piste, ndërkohë që motorët kanë fluturuar mbi kokat e pilotëve që vijonin garën. Madje pjesë të motorit kaluan para fytyrës së Rossit, që evitoi kontaktin.
Për fat, të dy pilotët janë koshientë dhe jashtë rrezikut për jetën. Gara është ndërprerë.
https://www.youtube.com/watch?v=slau0PCA_T8
