Një vajzë 5-vjeçare nga Padova e Italisë ka përfunduar në intubim për shkak të gjendjes së rëndë nga koronavirusi.
Është pacientja e parë në Itali, me këtë moshë që është futur në kujdes intensiv. Sipas informacioneve, vogëlushja nuk vuan nga ndonjë sëmundje, por asaj i ka ndodhur diçka që duhet marrë në studim patjetër, informon dritare.net.
Kur u fut në kujdes intensiv, me frymëmarrje të rënduar, u zbulua se pacientja e vogël kishte një sindromë hemolitiko-uremike (një formë sëmundjeje e gjakut dhe veshkave, e cila zakonisht shoqërohet me infeksione gastrointestinale).
Ajo që mjekët duan të kuptojnë është nëse sindromi është shkaktuar nga Covid (ashtu siç ndodh me sindromën Kawasaki).
