Avokati Altin Goxhaj u shpreh në studion e Oranews se Shqipëria është duke u shpopulluar dhe se është rritur raporti mes vdekjeve dhe lindjeve.
Për Goxhajn, ky shpopullim është i qëllimshëm. Goxhaj tha se është në plan që të futen të paktën 1 milionë afrikanë dhe aziatikë në vendin tonë.
“Popullsia e vendin qysh nga viti 1990 ka ardhur duke rënë, po ashtu po shtohen vdekjet dhe po pakësohen lindjen. Nga të dhënat lindjen po barazohen me vdekjen. Kjo tregon që në vendin tonë kanë ikur të rinjtë dhe kanë ngelur vetëm të vdekurit. Kjo do të thotë se do të shtohen vdekjet dhe do të ulen lindjet.
Eksodi më i madh ishte ai i vitit 1991, i dyti në vitin 1997 dhe i treti ai i Rilindjes, që është një eksod më i ngadaltë. Nga vendi është larguar truri dhe muskuli, pra, pjesë amë aktive. Kjo nuk ka ndodhur në mënyrë spontane. Kam 7 vite që ngre në Shqipëri çështjen e shpopullimit e vendit, që po bëhet përmes falimentimit dhe rrënimit.
Është përcaktuar që nga vende të rrënuara të sillen në tregun e punës së Shqipërisë të paktën 1 milionë afrikanë dhe aziatikë. Përgatiten spote televizive nga agjenci udhëtime, ku në gjuhën e tyre u thuhet që të vijnë në Shqipëri.
Po punohet që fillimisht të merren 30 000 të parët. Përzgjidhen nga vendet më të varfra, sepse shqiptari është votues dhe të kërkon llogari, të thotë ku e gjen Veliaj pishinën dhe bënte plazh kur thoshte se është me Covid-19.
Erion Veliaj nuk di të thotë të vërtetën. Nuk e di se si mund të hedhësh miliona dollarë për imazhin tënd dhe të gjithë të të urrejnë”, tha Goxhaj.
