Dy pjesëtarë të skuadrës së Gjilanit, pozitivë me COVID-19. Lajmi u konfirmua zyrtarisht nga vetë klubi nënkampion i Kosovës, nëpërmjet një njoftimi në rrjetet sociale.
Në ruajtje të konfidencialitetit, nuk është bërë e ditur se cilët janë të prekurit, por është tashmë e sigurt se njëri është futbollist dhe tjetri anëtar i stafit.
Njoftimi i Gjilanit:
Sport Club “Gjilani” informon gjithë opinionin publik se pas ritestimeve ditën e sotme në testin për Covid-19, pozitiv kanë rezultuar një futbollist dhe një anëtar i shtabit teknik në skuadrën e Gjilanit.
Gjendja e pjesëtarëve të klubit është mjaft stabile, pasi nuk kanë ndonjë simptomë të virusit Covid-19 dhe janë izoluar në shtëpit e tyre, kurse ditëve në vijim pritet ritestimi i tyre.
Pjesa tjetër e skuadrës e gjitha ka rezultuar negative në testimin e fundit. Skuadra është karantinuar në një hotel afër qytetit të Gjlanit, deri në zhvillimin e takimit kundër Tre Pennes në San Marino.”
Sport Club “Gjilani” falënderon Institutin Kombëtar të shëndetësisë Publike për mundësinë e ritestimeve dhe gjitha mediumet për bashkëpunimin e ofruar.
Zyra për Shtyp, SC Gjilani, Gjilan, 12 gusht 2020!”
