Atalanta u eliminua nga PSG-ja në fund të takimit teksa kryesonin 1-0 deri në minutën e 90-të. Për PSG-në shënuan Marquinhos 90’ dhe Choupo-Moting 93’.
Gasperini, pas ndeshjes, në Sky Sport foli shkurtimisht: “Duhet të them se ka shumë keqardhje për këtë eliminim. Iu afruam shumë, ishim shumë afër. Dukej sikur mund ta bënim diçka të tillë dhe do të ishte një arritje e madhe.
Gjithsesi kënaqësia mbetet për përvojën e përjetuar, një Champions ku kemi ardhur në rritje. Dukej sikur ia dolëm, pavarësisht vështirësive”, u shpreh tekniku i Atalanta.
