Deputetja e opozitës së re, Fatjona Dhimitri, ka reguar pas raportit të KiE, e cila i mbyllte dyert Shqipërisë sa i përket hapjes së negociatave.
Në reagimin e saj në facebook, Dhimitri shkruan se Shqipëria ka bërë hapa pas sa i përket integrimit, pasi rilindja ka vendosur të ecë në krahë të kundërt BE-së.
Sipas saj Edi rama dhe rilindja do tëmbahen mend vetëm për damkosjen që i kanë bërë shqipërisë gjatë këtyre viteve në pushtet.
Ja postimi i Dhimitrit:
Qeveria sërish hapa pas në integrimin e Shqipërisë drejt BE.
Edhe kur ndërkombëtarët bëjnë thirrje për plotësimin e kritereve, Rilindja vijon me strategjinë 7 vjeçare të mashtrimit të shqiptarëve se është e vendosur ta çojë deri në fund planin e integrimit të vendit, përmes uzurpimit të buxhetit të shtetit dhe shpërdorimit të fondeve së bashku me manekinët e pushtetit.
Edi Rama dorovit me tendera e koncensione oligarkët militantë që i vërtiten rreth e rrotull sulltanatit të tij dhe varfëron çdo ditë shqiptarët e ndershëm!
Kaq shumë propagandoi me reformën zgjedhore, aq sa dhe Parlamentin e vuri në shërbim të interesave të tij klienteliste duke shkelur mbi vetë sovranin.
Do të mbahet mend si Kryeministri i dështuar që ndryshoi në mënyrë të njëanshme Kushtetutën, duke shpërfillur marrëveshjen e dakortësuar prej subjekteve politike dhe noterizuar nga faktori ndërkombetar më 5 qershor.
Damkosi Kushtetutën, e përdori si gur shahu për të shtënë në duart e tij pushtetin duke cënuar perspektivën e integrimit europian të Shqipërisë.
Reforma në drejtësi mbeti një utopi. Vendet në institucionet e reja të krijuara në kuadër të kësaj reforme, po plotësohen falë lidhjeve nepotike në familjen e Rilindjes, pa lënë jashtë vëmendjes edhe fëmijët e përkëdhelur të ish sekretarëve të komitetit ekzekutiv.
Në rrjeten e SPAK ngecën veç peshqit e vegjël apo edhe të vdekur që Zoti u fali mëkatet pasi drejtësia shfaqet e vonuar në misionin e saj.
Te dashur shqiptarë!
Për Edi Ramën nuk është prioritare rruga e integrimit europian që ju keni ëndërruar ndër dekada, por mania e tij për të qenë sundimtar i çifligut!
Mjafton të hedhim vështrimin rreth situatës në spitalet tona për përballimin e pandemisë globale COVID -19.
Propaganda e Kryeministrit se janë fuqizuar kapacitetet shëndetësore, alibia e testimit masiv të popullsisë, kur tashmë jemi të ndërgjegjshëm që vatra kryesore e infektimit janë spitalet, mjekë e infermierë të infektuar, mangësi në furnizimin me kite dhe tamponë.
Shëndetësia kolapsohet nga rastet tragjike të humbjes së jetëve për mungesë paisjesh mjekësore, e nga ana tjetër personazhet Vip me charter po trajtohen me shërbime favorizuese në Turqi.
