Një lajm i keq vjen nga Amerika, ku po raportohen raste të shumta të fëmijëve të prekur me koronavirus.
Numri i rasteve zyrtare të fëmijëve me Covid-19 në Florida është më shumë se dyfishi gjatë muajit të fundit, krahasuar me muajt paraardhës.
Raporti zyrtar tregon se ka pasur një rritje prej 90% të rasteve të Covid-19 tek fëmijët në të gjithë vendin në katër javët e fundit.
Por në Florida, numri i përgjithshëm i rasteve tek fëmijët nën 17 vjeç u rrit nga 16.797 në 9 korrik në 39.735 në 9 gusht – një rritje prej 137%, sipas të dhënave të Departamentit të Shëndetit në Florida.
Ndërkohë shtrimet në spitalet Covid për fëmijët në Florida u rritë nga 213 në 436 gjatë së njëjtës periudhë, një rritje prej 105%. Për të njëjtën periudhë fatkeqësisht kanë shënuar edhe rastet e vdekjeve të fëmijëve, nga 4 në 7.
Në të gjithë Amerikën, numri i përgjithshëm i rasteve Covid-19 midis fëmijëve u rrit nga 179.990 në 9 korrik në më shumë se 380,000 në 6 gusht – një rritje kjo prej rreth 90% – sipas një raporti të botuar të hënën nga Akademia Amerikane e Pediatrisë dhe Shoqata e Spitalit të Fëmijëve.
