Operacioni Forca e Ligjit i ka dërguar formularët e vetëdeklarimit të pasurisë 5 shtetasve, 4 prej të cilëve në Tiranë dhe tjetri në Durrës.
Sipas një njoftimi zyrtar, në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
E. F., me banim në Durrës, i dënuar në Spanjë për veprën penale “Trafik droge” kryer në bashkëpunim dhe “Pjesëmarrja në organizatë kriminale”;
A. A., me banim në Tiranë, i dënuar për veprën penale “Vjedhja me armë”;
E. A., me banim në Tiranë, i dënuar për veprën “Vjedhja me dhunë”;
D. Gj., me banim në Tiranë, i dënuar për veprën penale “Vjedhja me armë”;
A. S., me banim në Tiranë, i dënuar për veprën penale “Vjedhja me armë”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
