Ashtu si shumë skuadra të tjera të Kategorisë Superiore, Partizani do të duket ndryshe sezonin e ardhshëm për sa i përket organikës së futbollistëve.
Së fundmi nga skuadra kryeqytetase janë larguar dy futbollistë. Bëhet fjalë për Bruno Telushin dhe Esin Hakaj. Të dy futbollistët e kanë konfirmuar largimin e tyre në rrjetet sociale ndërsa Telushi ka deklaruar se është ndjerë I padëshiruar dhe I pavlerësuar nga skuadra.
E ardhmja e mesfushorit difensiv pritet të jetë te skuadra e Kukësit teksa mungon vetëm zyrtarizimi. Nga ana tjetër Esin Hakaj largohet nga klubi pas dy sezoneve të karakterizuar nga dëmtimet. Hakaj shpresonte të luante rregullisht me Partizanin këtë sezon, por nuk do të ndodhë kështu. Shkodrani kishte edhe një vit kontratë, por sikurse njofton e ka mbyllur me skuadrën kryeqytetase dhe mbetet të shihet se ku do ta vijojë karrierën në vazhdim.
