Aktori i njohur, Antonio Banderas, i njohur gjerësisht me rolin e Zorros në filmin e “Maska e Zorros”, është prekur nga koronavirusi.
Lajmin e ka bërë të ditur vetë aktori, teksa thotë se përvjetorin e tij të ditëlindjes është i detyruar ta festojë në karantinë.
“Komunikoj që sot në këtë 10 gusht jam i detyruar të festoj ditëlindjen time të 60-të në karantinë, pasi kam dalë pozitiv nga koronavirusi.
Ai thekson se është në gjendje të mirë shëndetësore, teksa shprehet se simptoma e vetme që ka është lodhja e tepërt.
“Do të përfitoj nga ky izolim për të lexuar, për të shkruar për të pushuar dhe për të vazhduar projektet e nisura duke i dhënë kuptim 60 viteve të sapombushura”, tha ai.
