Ka përfunduar gara e pestë e Botërorit të vitit 2020 në Formula 1 dhe fituesi është Max Verstappen.
Piloti i Red Bull Racing-Honda triumfoi në Çmimin e Madh të Silvestrone, që përkoi me 70-vjetorin e Formula 1.
Suksesi i parë në këtë vit për holandezin, i cili zhvilloi një garë fantastike dhe siguroi pikët e plota. I dyti Lewis Hamilton, teksa në pod ngjitet edhe makina tjetër e Mercedez, Valeri Bottas.
Red Bull dhe Verstappen shfrytëzuan në maksimum problemet e Mercedes me konsumimin jo normal të gomave duke arritur kështu fitoren e parë të sezonit.
Vendi i katërt për Charles Leclerc të Ferrarit, ndërsa Sebastian Vettel zhvillon një tjetër garë të dobët. Gjermani i “Kokëkuqes” u nis nga pozicioni i 11-të dhe e mbylli në vend të 12-të, duke konfirmuar momentin e errët që po kalon.
Pas 5 garave, Hamilton, kryeson renditjen e përgjithshme me 107 pikë, i ndjekur nga Verstappen me 77 pikë dhe Bottas me 73 pikë.
