Idriz Batha ka rinovuar kontratën me klubin e Tiranës. 28-vjeçari firmosi me bardheblutë verën e kaluar dhe në sezonin e tij të parë ia doli të fitojë titullin kampion.
Batha shënoi 10 gola në kampionat dhe një në Kupën e Shqipërisë në sezonin e fundit duke rezultuar një lojtarë mjaft i rëndësishëm për Tiranën.
Paraqitjet pozitive kanë ndikuar që Tirana t’i dhurojë rinovimin me një tjetër vit, opsion që Batha nuk e ka refuzuar. “Tirana njofton rinovimin e kontratës me lojtarin Idriz Batha. Klubi i futbollit Tirana njofton vazhdimësinë e kontratës me Idriz Bathën.
Pas një viti të suksesshëm me fanellën bardheblu, mesfushori dhe presidenca kanë gjetur gjuhën e përbashkët dhe kanë vendosur të zgjasin bashkëpunimin mes tyre edhe për sezonin e ri“, lexohet në postimin e kampionëve të Shqipërisë.
