Për pak muaj u duk se në Ballkan pandemia e koronavirusit po kalohej lehtë, numri i të infektuarve dhe viktimave ishte i ulët. Në muajin maj kryeministri i Malit të Zi deklaroi se vendi i tij ishte i pari në kontinent që nuk kishte asnjë rast me Covid-19. Por në fund të muajit korrik Mali i Zi renditej i dyti në Europë për numër rastesh dhe viktimash, shkruan The Economist
Aktualisht, tetë nga 10 vendet europiane me ritmet më të larta të infektimeve janë në Ballkan. Dhe nëse ka qenë ndonjëherë e vërtetë se veprimet e ndërmarra funksionuan, ai avantazh humbi rrugës me rihapjet e shpejta të vendit. Ose ndoshta shifrat e para ishin të gabuara, për shkak të numrit të pakët të testimeve, apo mbulimit të situatës reale. Ndoshta situata nuk ka qenë asnjëherë aq e mirë sa është paraqitur, shkrun abcnews.al
Deri në fillim të muajit qershor sipas statistikave të Serbisë, vetëm 244 persona kishin humbur jetën si pasojë e Covid-19. Më pas një raport i hetuesve nxori në dritë se shifrat e vërteta flisnin për 632 viktima.
Presidenti dhe qeveria, në atë kohë të zënë me fushatë elektorale në kuadër të zgjedhjeve, mohuan se po përpiqeshin të fshihnin numrat. Por Gorica Djokic, kryetarja e unionit të mjekëve në Serbi, u shpreh se shifrat e larta përputheshin me ato që unionit i ishin dërguar nga kolegët në të gjithë vendin, shkruan abcnews.al
Djokovic pranoi se nën presionin e 2.870 mjekëve të zemëruar të cilët kishin firmosur një letër proteste, autoritetet nisën të publikojnë shifra më të studiuara dhe të sakta. Ajo thekson se arsyeja e shifrave të ulëta në muajt e parë ka të bëjë me numrin e pakët të testeve të kryera. Sot kryhen më shumë teste. Por dhe mjekët serbë, të cilët si ajo, punojnë në spitalet e Covid rrallë testohen. Ajo mendon se autoritetet i frikësohen faktit se sistemi shëndetësor do të pësojë kolaps nëse mjekët detyrohen të karantinohen për ditë të tëra dhe të lënë punën në rast se janë të infektuar.
Pothuajse njësoj si në pjesën tjetër të Europës, mesazhet e zyrtarëve kanë qenë kaotike. Në Ballkan ky kaos është ndërthurur me nivelin e ulët të besimit tek qeveria. Shumë njerëz besojnë se qeveria po gënjen dhe për faktin nëse ekziston ose jo një virus, sidomos në Kosovë, sipas dëshmisë së Brikena Hoxha nga Iniciativa për Stabilitetin në Kosovë, një organizatë jo qeveritare, shkruan abcnews.al
Dhe kësaj i shtohet mendimi i disa familjeve të cilët pretendojnë se paguhen për të thënë që familjarët e tyre kanë ndërruar jetë nga Covid-19, në mënyrë që qeveria të marrë ndihma nga jashtë.
Në muajin mars presidenti i Kosovës, në atë kohë i përfshirë në një përplasje politike me kryeministrin e vendit dhe qeverinë, u tha qytetarëve që të injoronin udhëzimet për të qëndruar në shtëpi.
Në 2 gusht kryeministri i Kosovës konfirmoi se ishte pozitiv me koronavirus. Familjarë të pakontrolluar hyjnë e dalin nga spitali për të dërguar ushqime dhe mjekime për të afërmit e tyre të infektuar. Me mijëra prej tyre udhëtojnë në Shqipëri, për të frekuentuar plazhet në skena të ngjashme me plazhet në rumune, në një kohë që edhe në Rumani numrat e të infektuarve po rriten në mënyrë të frikshme, shkruan abcnews.al
Në Bosnje e Hercegovinë, analistët, shprehen se megjithëse spitalet janë ende në gjendje për të përballuar situatën e krijuar, skandalet e lidhura me prokurimet që kanë lidhje me pandeminë e Covid-19, kanë bërë që shumë qytetarë të besojnë se në një kohë që ata kanë qëndruar mbyllur, shteti ka fituar para prej pandemisë. Në muajin maj Raspberry Silver, një firmë e njohur për tregtimin e fruta perimeve, përfitoi një kontratë 5.8 milion dollarësh për furnizimin me aparaturat e frymëmarrjes.
Në muajin qershor Novak Gjokovic, yli serb i tenisit, injoroi këshillat dhe organizoi një turne rajonal. Ai u përqafua dhe festoi me kolegët e tij kroatë dhe bullgarë, disa prej të cilëve u infektuan me koronavirus njësoj si ai, shkruan abcnews.al
Janë të shumtë ata që besojnë në teori konspiracioni, të cilat shpesh promovohen nga njerëz të ndryshëm, madje dhe të njohur, përfshirë dhe një ish ministër serb të shëndetësisë. Dhe klerikët kanë luajtur rolin e tyre. Në Malin e Zi infektimet kanë nisur të rriten me fillimin e pushimeve, si dhe pas një proteste të madhe kundër qeverisë që u organizua nga kisha ortodokse. Në të gjithë rajonin pandemia përkoi me festat ortodokse, katolike dhe muslimane të cilat bënë që familjet të mblidhen së bashku. Akoma më e keqe është situata në zonat e varfra të Europës ku presioni për t’u rikthyer në punë është shumë i madh, dhe kjo ndikon dhe më tepër në rritjen e infektimeve./abcnews.al/
