Sulmuesi shqiptar, Florian Kamberi, ka lënë skuadrën e Hibernian në Skoci për të firmosur me klubin zvicerian St.Gallen.
Lajmin e konfirmoi vetë klubi zviceran me anë të një postimi në faqen zyrtare. Kalimi i Kamberit te St Gallen ishte paralajmëruar prej kohësh në mediat skoceze pasi lojtari kishte refuzuar kontratën 2-vjeçare me Rangers, ndërsa klubi i tij Hibernian nuk pranoi ta inkuadronte për sezonin e ri pasi lojtari deklaroi se kishte realizuar ëndrrën e tij kur kaloi në formë huazimi te Rangers në janar.
Për Kamberin kishte oferta nga Gjermania dhe Anglia, por sulmuesi vendosi të kthehej në Zvicër.
