Një qytet kinez ka mbyllur një lagje dhe ka lëshuar paralajmërime të nivelit të tretë për një murtajë, pasi një nga banorët e tij vdiq nga sëmundja.
Qyteti i Baotou në rajonin e brendshëm autonom të Mongolisë së Kinës veriore, tha se personi ishte infektuar me murtajën enterike, një nga katër format e murtajës që sulmon sistemin tretës të një personi. Individi i paidentifikuar vdiq të dielën e kaluar, pasi pësoi komplikime në sistemin e qarkullimit të gjakut, tha Komiteti i Shëndetit Baotou në një deklaratë ditën e sotme.
Lajmi vjen ndërsa rajoni verior kinez zbuloi një rast të murtajës bubonike muajin e kaluar. Zyrtarët kanë urdhëruar qytetin të hyjë në një periudhë paralajmërim paraprak, i cili do të zgjasë nga sot deri në fund të vitit. Autoritetet kanë izoluar nëntë persona që kishin pasur kontakte të ngushta me të ndjerin, si dhe kontaktet e tyre të ngushta përkatëse që arritën në 26.
Të gjithë 35 banorët e karantinuar janë dërguar në kampe izolimi, duke marrë ilaçe paraprake dhe teste, të cilat zbulojnë bakterin që shkakton murtajën. Asnjë prej tyre nuk kishte ethe dhe të gjitha rezultatet e tyre të testit ishin negative, thuhet në deklaratë.
