Georgina Rodriguez ka dhuruar 20.000 euro për kërkimin e vaksinës kundër COVID-19. Modelja e ka bërë këtë dhurim bujar pasi ka nxjerrë në shitje disa prej veshjeve të saj, shkruan Hola!.
Georgina Rodríguez është shprehur se pavarësisht se kanë një jetë të privilegjuar, si origjina e saj ashtu edhe ajo e Cristiano Ronaldo i japin rëndësi sakrificës, disiplinës dhe mirënjohjes.
Gio – siç e quajnë me dashuri në rrethin e saj të brendshëm – ka bërë një dhurim të rëndësishëm për iniciativën #YoMeCorono në mënyrë që të ndihmojë në zbulimin e një vaksine koronavirus. Ajo iu bashkua iniciativës për të ndihmuar për gjetjen e vaksinës dhe dhuroi 20.000 euro.
Përmes aplikacionit LESS, ajo vuri në ankand disa rroba ikonike, përfshirë një këmishë Juventus Torin të firmosur nga partneri i saj, veshjen spektakolare me të cilën shkëlkqeu në “MTV EMA” të mbajtur në Seville, një fustan Balmain dhe një bluzë Balenciaga.
Ajo ndihmoi edhe më parë në mënyra të ndryshme gjatë kësaj periudhe pandemie.
“Spanja po vuan shumë për shkak të pandemisë COVID-19 dhe kjo është arsyeja pse unë dua të ndihmoj. Unë kam vendosur rroba të lezetshme për shitje … Shuma totale e shitjes time do të dhurohet në spitalet spanjolle për të luftuar COVID-19 “, tha ajo. Përveç kësaj, për të ndihmuar sa më shumë njerëz të jetë e mundur, dhuroi 20,000 maska për Fondacionin e Sferës së Re.
