Ellen Degeneres duket se shumë shpejt do të shohë pasojat e para të të gjitha akuzave të bëra nga punonjësit e saj për keqtrajtim. Pak ditë më parë, vetë Ellen u shkroi një letër punonjësve të saj ku shprehej se ndihej e zhgënjyer dhe se do ndërmerreshin veprime për të rregulluar situatën.
Burime pranë “The Sun” janë shprehur se ekziston mundësia që Ellen të zëvëndësohet nga moderatori dhe aktori i njohur, James Cordon. Thuhet se 41-vjeçari shihej si pasardhësi i Ellen që para se të dilte në dritë skandali.
“Zëvëndësimi i Ellen gjithmonë do të ishte një sfidë e vështirë, por ai është i lindur për këtë dhe një tranzicion i lehtë. Skandali ka përshpejtuar gjithçka dhe i ka bërë të gjithë ta shohin të ardhmen si sot. James dhe skuadra e tij kanë qenë sukses në TV modern, duke kthyer një program thuajse të vdekur në një format me audiencë të jashtëzakonshme globale. Në 5 vite ai kaloi nga i panjohur në yll “A-list” dhe kreativ.”– është shprehur burimi për The Sun.
Paul Telegdy është pjesë e skuadrës ekzekutive përgjegjëse për vendimet që do merren, dhe ai është një fans i madh i James dhe e ka pasur prej kohësh në krye të listës së njerëzve të talentuar që mund të zëvëndësonin Ellen, ndaj na duhet të presim nëse ky vendim do merret apo janë thjesht aludime.
