Gjykata Kundër Krimit të Organizuar dhe Korrupsionit vendosi sot sekuestrimin e pasurive të Ylli Ndroqit, pas kërkesës së SPAK.
Ndërkohë, Ndroqi u shoqërua nga forca të shumta policie, nga periferia e Tiranës drejt Drejtorisë vendore të Policisë ku ka dhënë deklarime.
Sipas njoftimit zyrtarë të SPAK, hetimet për Ylli Ndroqin kanë nisur më 21 korrik 2020 në kuadër të ligjit anti-mafia.
Bëhet fjalë për 26 pasuri të sekuestruara me urdhër të gjykatës së shkallës së parë në SPAK, ndër të tjera 2 apartamente, 5 automjete, 7 troje dhe një sipërfaqe pylli. Gjithashtu mes pronave të sekuestruara edhe televizioni Ora News, Channel One si dhe shoqëritë ‘Yldon’, ‘Rendon oil’ e ‘Don-Ucd’, ‘Interkinex’, ‘Albania Bay Marine’ etj.
