Të paktën 4 vatra të mëdha zjarri janë aktive nga zona e Velipojës në atë të Gjirokastrës.
NNga raportimet mësohet se një zjarr i përmasave të mëdha ka përfshirë mbrëmjen e djeshme kodrat në fshatin Hormovë në Gjirokastër.
Era ka favorizuar përhapjen e tij drejt fshatit Hormovë. Në vendngjarja ka shkuar reparti zjarrfikës i cili për përpiqet të neutralizojë flakët.
Por terreni malor e ka bërë të pamundur ndërhyrjen me automjete.
Në Velipojë vijojnë të jenë aktive vatrat e zjarrit, duke krijuar një situatë mjaft problematike veçanërisht zonën e Rrjollës, duke shkaktuar frikë dhe panik te pushuesit të cilët kanë zgjedhur këtë vend për të kaluar pushimet.
Sipas dëshmitarëve në zonë, era që po fryn po e ndihmon zjarrin të përhapet me shpjejtësi të madhe.
Gjithashtu pylli i Semanit ndodhet nën flakë. Nga raportimet mësohet se prej pasdites së djeshme disa hektarë me pyje janë nën pushtetin e flakëve dhe dëmet janë të pallogaritshme.
Prej disa ditësh zjarri djeg sipërfaqe të mëdha në malet e Rubikut në Katundin e Vjetër. Vatrat e zjarrit janë riaktivizuar në fshatin Molung në Grykën e Qafë Thanës, mbi fshatin Katund i Vjetër në Rubik të Mirditës.
Një sipërfaqe e madhe me lis, shkozë dhe gështenja po digjen.
