Rusia po përparon me shpejtësi drejt vaksinës së koronavirusit, duke punuar me kompani nga Brazili dhe India për prodhimin e saj në ‘sasi shumë të mëdha’.
Kirill Dmitriyev, kreu i Fondit Rus të Investimeve Direkte tha se pritet që vaksina të regjistrohet në 10 ditët e ardhshme.
Ai tha se raportimet në Perëndim se vaksina mund të jetë e pasigurt janë shembull i ‘konkurrencës së pandershme’.
Rusia synon që të prodhojë vaksinat më masë në shtator. Ata kanë më shumë se një vaksinë gati për prodhim.
Por dr. Elisabetta Groppelli, virologe dhe lektore e shëndetit global në Universitetin e Londrës tha për BBC se nuk është ofruar akoma asnjë e dhënë për sigurinë dhe efikasitetin e vaksinës.
“Eshtë mjaft shqetësuese që pretendimet janë bërë pa treguar të dhëna,” tha ajo.
Komuniteti shkencor ndjen se ka një element nxitimi- ndoshta duke i anashkaluar disa hapa- kur bie fjala te vaksina e Rusisë, shtoi ajo.
