Egjipti ka ftuar miliarderin Elon Musk për të vizituar vendin që të shohë vetë se piramidat e famshme nuk janë ndërtuar nga alienët.
Pronari i SpaceX postoi një mesazh në Tëitter, ku duket se mbështet teoritë konspirative që thonë se alienët janë përfshirë në ndërtimet kolosale.
Por ministrja egjiptiane për bashkëpunimin ndërkombëtar nuk do që ata të marrin ndonjë meritë për këtë gjë.
Ajo tha se prova për këtë janë varret e ndërtuesve të piramidave.
Varret e zbuluara në vitet ’90 janë prova përfundimtare, thonë ekspertët, se strukturat madhështorë janë ndërtuar vërtet nga egjiptianët e lashtë.
Të premten, miliarderi i teknologjisë shkroi: “Alienët ndërtuan piramidat, e dukshme”, një mesazh që u rishpërnda të paktën 84 mijë herë.
Ministrja egjiptiane për bashkëpunimin nërkombëtar, Rania al-Mashat u përgjigj në Tëitter duke thënë se ajo e ndjek dhe e admiron punën e zotit Musk.
Por ajo e nxiti atë që të hulumtonte më tej provat në lidhje me ngritjen e strukturave të ndërtuara për faraonët e Egjiptit.
Kurse arkeologu egjiptian, Zahi Haëass u përgjigj me një video të shkurtër në arabisht, duke thënë se argumenti i zotit Musk është një ‘halucinacion komplet’.
“Kam mësuar se varret e ndërtuesve të piramidave tregojnë për të gjithë se ndërtuesit e piramidave ishin egjiptianë dhe nuk ishin skllevër,” citoi atë më vonë EgyptToday.
Zoti Musk postoi më vonë një mesazh me një shkrim nga BBC History në lidhje me jetën e ndërtuesve të piramidave, duke shkruar: “Ky artikull i BBC ofron një përmbledhje të arsyeshme për mënyrën se si u ndërtuan”.
Ka më shumë se 100 piramida që kanë mbijetuar, por më e famshmja është Piramida e Madhe e Gizës në Egjipt- e lartë 137 metra.
Shumica e tyre u ndërtuan si varre- një vendpushim përfundimtar për faraonët e Egjiptit.
Zoti Musk njihet për mesazhet e tij kreative, por edhe kaotike në Tëitter. Njëherë ai i pati thënë CNBC: “Tëitter është si një zonë lufte. Nëse dikush do të hidhet në luftë, është sikur: Dakord, ti je në arenë. Le të fillojë”.
