Ditën e sotme, për shkak të COVID-19 është mbyllur një tjetër çerdhe në Tiranë. Disa edukatore dhe pjesëtarë të tjerë të stafit kanë dalë pozitivë në testin e koronavirusit në çerdhen 42 pranë zonës së njohur si “Oxhaku”.
Prindërit janë njoftuar nëpërmjet sms-ve që të mos i dërgojnë fëmijët në çerdhe nga e hëna.
Ky nuk është rasti i parë ku kopshtet dhe çerdhet e kryeqytetit mbyllen si pasojë e pranisë së personave të infektuar.
Në qershor në Laprakë u mbyll kopshti n.11, ndërkohë që në zonën e ish-Bllokut u mbyll me urgjencë çerdhja numër 16, si pasojë e infektimit të disa edukatoreve, ndërkohë që pak ditë më parë në Allias u mbyll kopshti nr. 27.
