Pas disa grumbullimeve me skuadrën e parë më në fund Giacomo Vrioni ia doli të bëjë debutimin me Juventusin në Serinë A. 21 vjeçari shqiptar debutoi dje në ndeshjen ndaj Romës.
Vrioni zëvendësoi sulmuesin Gonzalo Higuain në minutën e 79-të për të bërë debutimin e tij në Serinë A. Edhe pse bardhezinjtë në fund u mundën nga Roma, kjo nuk kishte rëndësi sepse Juventusi e kishte siguruar titullin dhe në fund ngritën lart trofeun. Pas debutimit Vrioni bëri edhe një postim në rrjetet sociale.
“Një ëndërr e bërë realitet, një mbrëmje e paharrueshme, një stimul i mëtejshëm për të vazhduar të rritem dhe përmirësohem, ditë pas dite”, shkruan Vrioni në “Instagram”.
