Një episod tejet i veçantë dhe qesharak në të njëjtën kohë është regjistruar me një nga pjesëtarët e skuadrës braziliane të Cearas.
Këta të fundit para pak ditësh luajtën me skuadrën e Fortaleza dhe ashtu siç ndodh në të gjitha vendet, para ndeshjes stafit dhe lojtarëve iu është matur temperatura.
Megjithatë një nga pjesëtarët e stafit teknik të Cearas nuk e kishte mendjen dhe menjëherë sapo i drejtohen t’i masin temperaturën ngre duart lart, pasi mendoi se ishte armë.
Kaq mjaftoi që menjëherë video e tij të nisë të bëjë xhiron në rrjetet sociale, si një moment tepër gazmor dhe që nuk ka ndodhur më parë.
