Bruno Dita dhe Dejvi Bregu janë larguar nga Skënderbeu pasi kontrata e tyre skadoi këtë verë. Dy prej lojtarëve më të mirë të korçarëve do të nisin së shpejti eksperienca të reja.
Skënderbeu ka vetëm fjalë të mira për dy futbollistët, të cilëve u uron suksese në vazhdim: “Faleminderit Djema për kontributin tuaj dhe përfaqësimin me dinjitet të fanellës bardhekuqe. Iu urojmë shumë suksese në vazhdim”.
Për sa i përket të ardhmes së lojtarëve, Dita, do të transferohet te Shkëndija e Tetovës, klub me të cilin ka nënshkruar një para-kontratë prej pak kohësh, ndërkohë për Bregun janë të interesuara disa klube ndërsa mbetet të shihet zgjedhja e tij.
