Përkeqësohet ndjeshëm emergjenca shëndetësore në Australi. Shteti i Viktorias, më i prekuri në këtë kontinent, raportoi bilancin më tragjik të viktimave dhe të infektuarve me Covid-19, duke nxitur kështu dyshime se izolimi 6-javor nuk po funksionon.
Autoritetet konfirmuan në Viktoria, 13 jetë të humbura nga koronavirusi i ri dhe 723 raste, një shifër rekord për këtë vend.
Banorët në Melburn i druhen një zgjatje të izolimit, që nisi me 7 korrik. Autoritetet në Australi u bënë thirrje qytetarëve që shfaqin simptoma, që të testohen sa më shpejt.
“Nuk mund të shkoni në punë, pasi kështu përhapni virusin”, tha kryetari i Viktorias, Daniel Andrews. Një tjetër masë e kërkuar për ata që dalin nga shtëpitë, është dhe përdorimi i maskës.
Ndërkohë, Australia rreshtohet nga vendet që e kanë menaxhuar me shumë sukses pandeminë Covid-19. Që prej shpërthimit numëron vetëm 16 mijë raste dhe 189 viktima.
