Gianni de Biasi është zyrtarisht trajner i kombëtares së Azerbajxhanit. Ka qenë vetë 64-vjeçari, ai që e ka bërë me dije këtë fakt përmes një mesazhi në rrjetet sociale, ku shkruan:
“Sot nënshkrova kontratën që më lidh me Federatën e Azerbajxhanit deri më 30 nëntor 2021. Dëshirë e madhe për të filluar përsëri me një sfidë të re të madhe….”
Nga ana tjetër, Federata Azerbajxhanase e Futbollit ka konfirmuar se trajneri i ri do të mbërrijë më 10 gusht në Baku, për të filluar punën për ndeshjet kualifikuese të Ligës së Kombeve, të cilat startojnë në shtator:
“Bisedimet midis AFFA dhe Gianni De Biasi për emërimin e tij si trajner i kombëtares së Azerbajxhanit ishin të suksesshme dhe sot u nënshkrua një marrëveshje. Kontrata mbulon sezonin aktual të Ligës së Kombeve dhe raundin kualifikues të Kupës së Botës 2022. De Biasi është planifikuar të arrijë në Baku më 10 gusht”.
DENONCO