Ilir Daja ka përsëritur se do të vazhdojë të jetë trajner i Skënderbeut deri atëherë kur Gjykata Federale në Zvicër të japë vendimin mbi dënimin e klubit korçar.
Tekniku 53-vjeçar ka folur në prag të sfidës së fundit të kampionatit përballë Partizanit, klub që kërkon pikërisht Dajën për drejtimin e skuadrës, trajneri kryeqytetas u shpreh:
“Jam trajner i Skënderbeut dhe ndihem mirë në Korçë, sepse Korça nën drejtimin tim ka pasur rezultate historike. Disa mbase e kanë harruar që është i vetmi ekip që i ka kaluar të katër raundet drejt grupeve dy herë.”
“E ardhmja ime? Nuk ka trokitur Partizani, por dhe klube të tjera brenda dhe nga jashtë. Pres përgjigje nga Gjykata Federale dhe pastaj do të mësojmë se ç’do bëhet me Ilir Dajën dhe Skënderbeun.”
