Një apartament, në katin e dytë të një pallati në Korçë, është përfshirë nga flakët. Mësohet se shkak i zjarrit është bërë shpërthimi i një bombole gazi, por për fat të mirë nuk ka të lënduar.
Në apartament banonin një çift bashkëshortësh, të cilët kanë mundur të dalin pa u dëmtuar.
Si pasoje e zjarrit janë shkaktuar dëme të mëdha materiale në banesë. Bombola ka qenë në ballkonin e apartamentit, ku ka ndodhur edhe shpërthimi duke rrezikuar edhe banesat e tjera.
Policia dhe forca zjarrfikëse ndodhen ne vendin e ngjarjes ndërsa flakët janë neutralizuar.
