USAID ka dorëzuar 29 mijë teste për Institutin e Shëndetit Publik.
Në një njoftim për mediat, USAID njofton se kjo është ndihmë që jepet për Shqipërinë për përballimin e situatës së pandemisë së krijuar nga COVID-19.
Qeveria e Shteteve të Bashkuara të Amerikës që prej fillimit të pandemsië ka dhënë më shumë se 1.5 miliard dollarë ndihmë me qëllimin për të luftuar pandeminë në të gjithë botën.
“USAID/Albania dorëzoi 29,000 komplete testimi në Institutin e Shëndetit Publik, si pjesë e ndihmës së Shteteve të Bashkuara për Shqipërinë, në përgjigje të pandemisë së COVID-19.
Që nga shpërthimi i pandemisë, qeveria e Shteteve të Bashkuara të Amerikës ka angazhuar më shumë se 1.5 miliard dollarë ndihmë nëpërmjet Departamentit të Shtetit dhe USAID, posaçërisht me qëllimin për të luftuar pandeminë”, shkruhet në njoftim.
