Një fëmijë 12 vjeç është mbytur në ujërat e Adriatikut. Ngjarje e rëndë ka ndodhur pasditen e sotme në plazhin e Tales në Lezhë.
Mësohet se 12-vjeçari ishte nga Borizana, Fushë Krujë dhe kishte shkuar për pushime me familjen.
Policia po punon për zbardhjen e ngjarjes së rëndë.
“Më datë 26.07.2020, në Tale , Lezhë është mbytur në det i mituri 12 vjeç, banues në fshatin Borizanë, Fushë Krujë.
Grupi hetimor po punon për sqarimin e rrethanave të ngjarjes”, thuhet në njoftimin e policisë.
