Lidhja mes futbollistit Xherdan Shaqiri dhe këngëtares Dhurata Ahmetaj nuk ka zgjatur shumë. Çifti i kanë dhënë fund lidhjes pak muaj pasi në mediat rozë nisën të qarkullonin thashethemet se ishin në një romancë.
Dhurata Ahmetaj ka nisur pushimet vetëm pak ditë më parë ndërsa vendin ku po relaksohet zgjodhi ta mbajë të fshehtë. Ndërkaq ylli i Liverpul ndodhet ende në Angli dhe vetëm pak ditë më parë festoi titullin kampion.
Tashmë edhe për futbollistin, do të nisin ditët e relaksit, por këtë herë larg këngëtares.
Lajmet për ndarjen e tyre u përforcuan edhe nga fakti që këngëtarja dhe futbollisti kanë hequr njëri-tjetrin nga Instagram.
Lidhja tyre bëri bujë në mediat rozë në fillim të këtij muaji kur dyshja u raportua se kishin nisur një histori rozë. Lajmi u përhap shumë shpejt edhe në mediat britanike.
“Xherdan Shaqiri ka gjetur një shpërqendrim nga ndjekja e titullit të ndalur të Liverpoolit, duke u takuar këto ditë me një yll të pop-it Kosovar,”- shkroi The Sun.
Pas këtyre thashethemeve, asnjëri prej tyre nuk reagoi për ti konfirmuar apo mohuar lajmet. Mbetet për t’u parë nëse Dhurata Ahmetaj dhe Xherdan Shaqiri do të rikthehen, apo ishte thjesht një lidhje pasionante e momentit.
