Federata e Futbollit të Ukrainës bën me dije nëpërmjet një njoftimi të fundit se mjeku i kombëtares, Anton Hudaev, është ndarë nga jeta në moshën 48-vjeçare pasi ishte i infektuar me coronavirus.
Lajmi i trishtë ka prekur të gjithë futbollin vendas ndërkohë që Federata ka shprehur ngushëllimet familjes së të ndjerit.
“Në emër të Presidentit të Federatës së Futbollit të Ukrainës, Andriy Pavelka, trajnerit të Kombëtares, Andriy Shevchenko dhe gjithë familjes së futbollit të Ukrainës, ne i ofrojmë ngushëllimet tona më të thella familjes së tij. E gjithë skuadra kombëtare është në zi.” – thuhet në deklaratë.
