Kategoria e Dytë/ Partizani B shkatërron Sopotin, takimi Luzi-Gramshi vendoset nga 11-metërshat

Partizani B shkatërroi me rezultatin 4-0 Sopotin në sfidën e vlefshme për “Play-Off”-in e Kategorisë së Dytë.

“Demat e Kuq” të drejtuar nga Dritan Mehmeti, e dominuan takimin, ndërkohë që në përbërje kishin edhe disa futbollistë nga ekipi i parë, si Bitri, Llanaj dhe Tedi Cara, ky i fundit realizoi dopitë.

Nga ana tjetër, Gramshi, eliminoi me penallti skuadrën e Luzit. Koha e rregullt e sfidës përfundoi në barazim 2-2, teksa ndeshja ka shkuar me shtesë dhe më pas me penallti, ku miqtë nga Gramshi u treguan më të saktë, duke u kualifkuar për në finalen e “Play-Off”-it të Kategorisë së Dytë, ku do të përcaktohet skuadra që do të ndeshet me vendin e 8-të të Grupit B në Kategorinë e Parë.

LEXO EDHE  Çudia në Serie A, katër ekipet pretendente për titull ngelen njëherazi pa trajner