Opozita shprehet se ndryshmet kushtetuese për të cilat Rama këmbëngul ti votojë më 30 qershor, pas një marrëveshjeje me një pjesë të opozitës së re, kanë vetë një qëllim: Ndalimin e koalicioneve.
Qëndrimi u shpalos sërish këtë të Shtunë gjatë një deklaratë të përfaqësuesve të opozitën në tryezën e Këshillit Politik.
Ata deklaruan se Rama e tregoi se është i interesuar vetëm për ndalimin e koalicioneve zgjedhore, pasi nuk iu përgjigj propozimit të opozitës për lista 100 përqind të hapura.
Kryeministri Edi Rama ndërkohë, ka deklaruar se nuk mund të implementohen njëkohësisht listat e hapura dhe koalicionet parazgjedhore.
Por, për pozitën, kjo është gënjeshtër.
“Si gjoja hapja gjysmake e listave, edhe pretendimi se koalicionet parazgjedhore dhe listat e hapura nuk shkojnë bashkë, janë dy mashtrimet e trasha të Edi Ramës, për të justifikuar frikën e tij nga zgjedhjet dhe humbja e pushtetit”, tha Gazmend Bardhi, Sekretari i Përgjithshëm i PD.
Oerd Bylykbashi shtoi se “është një çështje teknike lehtësisht e zgjidhshme”.
“Fleta e votimit me koalicione nuk është libër i trashë, siç thotë Edi Rama. Do të vazhdojë të jetë e thjeshtë. Më poshtë një shembull i fletës së votimit me lista të hapura dhe koalicione parazgjedhore. Shembulli tregon që nuk ka asnjë pengesë për zbatimin e listave të hapura 100% dhe koalicioneve parazgjedhore”, shtoi Bylykbashi , i cili më pas paraqiti dhe një shembull se si mund të jetë fleta e votimit me lista të hapura dhe koalicione.
