Sapo kanë përfunduar katër takimet të vlefshme për “play-out-et” e Kategorisë së Parë.
Në Grupin A, sfida e vetme ishte ajo mes Dinamos dhe Veleçikut, e cila luhej për statistikë, pasi llogaritë ishin mbyllur. Ishte skuadra nga Kopliku ajo që triumfoi me rezultatin 0-1.
Nga ana tjetër, në 3 sfidat e Grupit B, Elbasani arriti një fitore jetike ndaj Devollit, teksa do t’i duhet një fitore në sfidën e fundit ndaj Shënkollit, për të siguruar zyrtarisht qëndrimin në Kategorinë e Parë.
Lumë golash në Cërrik, ku Turbina mposhti me rezultatin 7-2 Shënkollin. Ndërkohë përballja tjetër ajo mes Orikut dhe Ilirisë u mbyll me fitoren 2-1 të vendasve. Java e fundit do të jetë vendimtare për sa i përket objektivave.
Devolli pret Orikun në shtëpi, ndërsa Iliria pret Turbinën. Sfida tepër vendimtare që do të përcaktojnë skuadrën që do të zbresë direkt nga kategoria dhe atë që do të shkojë në “Play-Out”.
Kategoria e Parë
Grupi A
Dinamo-Veleçiku 0-1
Grupi B
Oriku-Iliria 2-1
Turbina-Shënkolli 7-2
Elbasani-Devolli 3-1
