Vietnami iu rikthye gatishmërisë së lartë për shkak të koronavirusit, ditën e shtunë, pasi zyrtarët e shëndetësisë në qytetin Danang zbuluan rastin e parë të transmetuar në vend për tre muaj.
Falë masave të rrepta të karantinës dhe një programi testimi agresiv dhe të përhapur, vendi i Azisë Juglindore e ka mbajtur virusin e tij në një total mbresëlënës prej vetëmj 415 rastesh dhe nuk kishte raportuar asnjë infeksion të transmetuar në vend për 100 ditë.
Vietnami nuk ka raportuar vdekje nga virusi. Por të premten, Ministria e Shëndetësisë tha që një burrë 57-vjeçar nga Danang, një vend i nxehtë turistik, kishte testuar pozitiv, duke shkaktuar izolimin e 50 personave me të cilët ra në kontakt.
Ministria tha se 103 persona të lidhur me pacientin u testuan për virusin, por të gjithë dolën të painfektuar.
Qeveria tha të shtunën se një test i ri e kishte konfirmuar infeksionin e burrit, duke e çuar numrin e përgjithshëm të rasteve në Vietnam në 416.
Nuk dihet se si burri e mori virusin, por ai nuk kishte dalë nga qyteti Danang për gati një muaj. Fillimisht u diagnostikua me pneumoni.
Kjo vjen në një kohë kur Vietnami është bërë gati të rifillojë fluturimet tregtare ndërkombëtare dhe ndërsa turizmi i brendshëm po rritet.
