Një aeroplan iranian u detyra të bëjë një zbritje të paparashikuar pasi disa avionë luftarakë amerikanë të tipit F-15 iu afruan së tepërmi.
Kjo shkaktoi plagosjen e disa pasagjerëve, sipas autoriteteve iraniane. Piloti i avionit iranian deklaroi se ai duhej ta ulte detyrimisht avionin për të shmangur përplasjen me avionët amerikanë.
Ndryshimi dramatik i lartësisë, bëri që maskat e oksigjenit të binin duke shkaktuar plagosjen e disa nga pasagjerëve.
Pamjet tronditëse nga brenda avionit tregojnë se një pasagjer u rrëzua në dysheme dhe një tjetër u përgjak nga fytyra, kur avioni u “sulmua” nga avionët amerikanë.
“Ishte një aeroplan luftarak. Na tmerroi!” tregon një prej pasagjerëve.
Ushtria amerikane ka konfirmuar lajmin, teksa ka deklaruar se i ishin afruar mjetit ajror vetëm për ta “inspektuar” atë.
