Unai Emery është trajneri i ri i skuadrës së Villareal. Lajmin e ka konfirmuar klubi spanjoll me anë të një deklarate të postuar në rrjetet sociale.
Tekniku 48-vjeçar ka firmosur një kontratë 3 vjeçare duke zëvendësuar kështu të larguarin Javi Calleja.
“Villarreal CF ka arritur një marrëveshje me Unai Emery që menaxheri bask të jetë trajneri kryesor i të verdhëve për tre sezonet e ardhshme”, thuhet në njoftim.
Më parë në Spanjë, Emery, ka drejtuar Sevillan, Valencian dhe Almerian, ndërkohë aventura e fundit e tij ishte me Arsenalin, klub me të cilin ndërpreu marrëdhëniet në nëntor të 2019.
https://twitter.com/VillarrealCF/status/1286240390522318848
