Kryetari i Partisë Demokratike të Kosovës, Kadri Veseli reagoi pas raportimeve në media se është infektuar me COVID-19.
Veseli shprehet se, ka pasur simptoma të koronavirusit dhe sot ka bërë tamponin, por shton se përgjigjen nuk e ka marrë ende.
Në një postim në rrjetet sociale, ai shkruan:
Të nderuar qytetarë,
Pas disa simptomave të lehta dhe dyshimeve që potencialisht mund të jam infektuar me Sars-CoV-2, sot e kam bërë testin.
Në përputhje me rekomandimet e institucioneve, jam vetizoluar deri në konfirmimin e rezultatit.
Apeloj te të gjithë qytetarët që t’i respektoni masat, t’i vendosni maskat, të mbani distancën dhe higjienën!
