Të gjithë e kujtojnë sulmuesin David Villa për golat që shënonte. Spanjolli që fitoi çdo gjë me Spanjën, Kupë Bote dhe Europian tani akuzohet për ngacmim seksual. Ish-futbollisti i Barcelonës dhe Valencia-s është akuzuar se në kohën kur luante në SHBA me New York City ka ngacmuar një pjesëtare të klubit.
Ajo e cila akuzon Villan pretendon se spanjolli e prekte çdo ditë dhe i hidhte fjalë ngacmuese, ndërsa sipas saj shefi nuk ndërhynte pasi e shihte si diçka komike. “David Villa më prekte çdo ditë ndërsa shefi nuk ndërhynte dhe e shihte si diçka komike. Ju garantoj që nëse dikush i thotë emrin tim, ai nuk do ta dijë. Nuk më thërriste asnjëherë në emër.”
Nuk kaloja një ditë pa më prekur, apo ngacmuar verbalisht.” – përfundon vajza që dëshiron të mbetet anonime.
Ndërkohë përgjigja nga ana e spanjollit nuk ka munguar: “Duke qenë se kanë prekur reputacionin tim dua të sqaroj disa gjëra. I kundërshtoj fort akuzat ndaj meje. Kam luajtur për katër sezone me New York City-n dhe jam ndjerë gjithnjë i dashur dhe i respektuar nga të gjithë në klub. Është e vështirë ta kuptoj se pse këto akuza false vijnë një vit e gjysmë pasi jam larguar. Ekipi im ligjor do të punojë për të pastruar këto akuza false”, u shpreh Villa.
