Gjashtë deputetë votuan kundër marrëveshjes së 5 qershorit për Reformën Zgjedhore.
Një prej tyre është Myslym Murrizi, kreu i grupit parlamentar ‘Demokrat’, i cili ka deklaruar hapur se nuk do të votonte asnjë marrëveshje të arritur sipas tij, jashtë institucioneve legjitime. Edhe deputetët Halit Valteri, Korab Lita, Halil Jakimi, sërish pjesë e grupit ‘demokrat’, votuan kundër.
Deputetë të tjerë që kanë votuar kundër marrëveshjes janë Adriatik Alimadhi dhe Ylli Shehu. Ndërsa vota e deputetit Ralf Gjoni doli e pavlefshme.
Gjashtë deputetë të tjerë nuk morën pjesë në votim, ndërsa katër abstenuan.
Ndryshimet në Kodin Zgjedhor morën 97 vota “pro”.
