NBA ka publikuar kalendarin e 33 ndeshjeve miqësore që do të luhen gjatë datave 22-28 korrik nga 22 ekipet e NBA-së, të cilat janë të grumbulluara në Orlando.
Sezoni i kampionatit më të fortë e spektakolarë në botë do të rinisë më 30 korrik. Kujtojmë që NBA u ndërpre pak përpara përfundimit të sezonit të rregullt në muajin në mars për shkak të pandemisë Covid-19.
Ekipet ndodhen në Orlando prej dy javësh dhe çdo skuadër do të zhvillojë gjatë kësaj jave tri ndeshje miqësore, para se të rinisë sezoni i rregullt.
Katër ndeshjet e para miqësore që do të luhen sot janë: Clippers-Orlando, Denver-Washington, Brooklyn-New Orleans dhe Miami-Sacramento.
Pritet që “lufta” për tu shpallur kampion të jetë mjaft e ashpër teksa tre skuadrat më pretendente janë, Los Angeles Lakers, Milwaukee Bucks dhe Los Angleles Clippers.
