Një apartament në Elbasan është përfshirë nga flakët në orët e vona të mbrëmjes. Nga raportimet mësohet se apartamenti ndodhet në një pallat në afërsi të shkollës “Bardhyl Popa”.
Nga të dhënat e para mësohet se zjarrfikësja dhe policia kanë evakuuar banorët e gjithë pallatit, për shkak të rrezikut nga flakët dhe asfiksia nga tymi.
Ende nuk dihen shkaqet e rënies së zjarrit, por nuk raportohen dëme në njerëz.
