Policia e Shtetit dhe Policia Italiane kanë zhvilluar një operacion të përbashkët anti-drogë në fushën e trafikimi të drogës, përdorimit të armëve dhe përfshirjen e një të mituri.
Deri më tani janë marrë 20 masa urdhër arresti në Emilia Romagna, Lombardia, Liguria dhe Marche, në kuadër të operacionit “Riviera” të zhvilluar nga Departamenti i Operacionit Special) në bashkëpunim me kolegë nga territore të ndryshme.
Të dyshuar si të përfshirë në këtë organizatë kriminale, janë edhe tre shqiptarë, të cilët ndodhen në Shqipëri, raportuan mediat italiane.
Hetimet filluan në maj 2018 pas një raporti të dërguar në Drejtorinë Qendrore të Shërbimeve të Drogës nga policia kolumbiane.
Shkak u bë mbërritja e një “kimisti” kolumbian në Itali i cili do të duhej të binte dakord për mënyrën e mësimit të rafinimit trafikimit të dorgës që do të vinte nga Amerika e Jugut.
Kështu u zbulua një organizatë e trafikantëve të drogës, kryesisht me kombësi shqiptare, shumë aktive dhe me rrënjë në Itali.
Mbi të gjitha, ajo ishte e angazhuar për furnizimin, administrimin dhe shitjen e drogës në Riviera Romagna dhe Rimini , veçanërisht për furnizimin e kokainës dhe heroinës nga Amerika e Jugut dhe Evropa Veriore dhe marijuana nga Maqedonia dhe Shqipëria e cila gjithashtu eksportohej në sasi të mëdha në Austri.
Të dyshuarit gjithashtu ishin në gjendje të përkryer për të “rafinuar” drogën para se ta shisnin atë duke aplikuar teknika të transformimit, për shembull, të kokainës nga gjendje e lëngshme në gjendje të ngurtë.
Karabinierët gjetën gjithashtu një armë gjahu 12 matës dhe disa municione. Një i mitur gjithashtu ishte i angazhuar në veprimtari të paligjshmepërgjegjës për peshimin dhe paketimin e drogës. Për më tepër, i riu duhej të gjente klientë dhe të mbledhte paratë nga droga.
