Young Zerka është nga ata artistë që e duan shumë, por rreth jetës së tij private dimë shumë pak detaje. Për herë të parë në “Pushime on Top”, Zerka në një intervistë për moderatoren Ori Nebijaj ka rrëfyer shumëçka rreth familjes së tij.
“Familja ime jeton në Korçë dhe unë karantinën e kalova me ta. Patëm një ribashkim familjar, erdhi motra nga jashtë edhe babi. Unë kam një vëlla dhe një motër dhe gjithnjë jam mësuar mos ti përfshi në showbiz. Jam më i lidhur me motrën dhe binjakët e saj”, ka thënë Zerka.
I pyetur nëse e pëlqejnë ata muzikën e tij kantautori tha se, në fillim motra e tij nuk e kuptonte anglishten e teksteve të tij, por pastaj u mësua. Ndërsa përsa i përket kritikave ai tha se, nuk më kritikojnë pasi si familje kemi qenë “open minded”.
Zerka shtoi gjithashtu se gjatë karantinës humbi 8 kilogramë ndonëse vdes për ushqimet që gatuan nëna.
