Hapjen e listave, sekretarja e përgjithshme e PDIU-së, Mesila Doda, e sheh si hilen që kryeministri Rama po përdor për të ndaluar koalicionet.
Në emisionin “Në fokus”, në TvT, Doda tha se Rama ia ka frikën opozitës së bashkuar dhe po bën gjithçka që ta pengojë atë si front i përbashkët.
“Nuk është çështja e listave, kërkon që nëpërmjet kësaj të heqë koalicionet. Dihet se forca e opozitës është të qenit bashkë.
Të mos vazhdojë më të gënjejë. Nuk ka hallin e listave, por shkon ndesh me të gjitha garancitë që ka dhënë për ndërkombëtarët.
Ai do të bëjë gjithçka vetëm që të mos lëshojë pushtetin”, tha ajo.
