PDIU, pjesë e opozitës së bashkuar, ka dalë kundër nismës së Kryeministrit Edi Rama dhe asaj që njihet si opozita parlamentare, lidhur me ndryshimet Kushtetuese, për hapjen e listave, koalicionet parazgjedhore dhe pragun elektoral.
Mesila Doda, përmes një postimi në rrjetet sociale, shprehet se Rama nuk ka pasur kurrë hallin e listave të hapura, por kërkon me çdo çmim heqjen e koalicioneve.
“Gënjeshtari psiqik vazhdon të tentojë të manipulojë opinionin… Nuk ka pasur kurrë hallin e listave të hapura, por kërkon me çdo çmim heqjen e koalicioneve…
Nuk mund të vazhdojë të mashtrojë ditën për diell dhe të flasë në emër të shqiptarëve që i ka vjedhur e masakruar për 7 vite.
Kush i pyeti shqiptarët si e duan sistemin? Sistemi duhet vendosur vetëm me referendum, në një sistem demokratik, e ku ka siguri vote, jo ku krye-gangsteri i plakur e në ikje lëshon ortakët kriminelë që ta mbajnë ende në pushtet me trafik e dhunë.
Në çdo rast të dhunimit të Kushtetutës ka vetëm një çmim për t’u paguar e atë do e paguajë Edi Rama personalisht, jo shqiptarët”, shkruan Doda”.
