Një aksident me vdekje ka ndodhur mëngjesin e sotëm në Urën Vajgurore. Agim Hajdari, 60 vjeç, ka mbetur i vdekur.
Ai ishte duke lëvizur me një biçikletë, që është përplasur me një automjet tip “Benz”. Impakti ka rezultuar fatal për të 60-vjeçarin, i cili nuk ka mundur të mbijetojë.
Ndërkohë, policia ka shoqëruar drejtuesin e makinës tip “Benz”, Avdulla Salillari.
Grupi hetimor po punon për zbardhjen e rrethanave të shkaqeve të aksidentit, njoftuan burime zyrtare.
