Çmimi prestigjioz individual “Topi i Artë” nuk do të ndahet këtë vit, për shkak të pandemisë së koronavirusit.
“France Football” e ka justifikuar këtë vendim duke deklaruar se nuk ishin plotësuar të gjitha kushtet për mbajtjen e edicionit të vitit 2020.
“Për herë të parë që prej vitit 1956, Topi i Artë nuk do të akordohet, sepse besojmë që ky vit kaq i veçantë nuk mund të trajtohet si normal”, – tha Kryeredaktori i “France Football”, Pascal Ferré.
